کوئٹہ۔05اگست (اے پی پی): گورنر سید ظہور احمد آغا نے کہا ہے کہ پانچ اگست کو یوم استحصال کا مقصد اپنے کشمیری بھائیوں کی جدوجہد آزادی کی مکمل حمایت کرنا ہے، وزیر اعظم پاکستان عمران خان نے اقوام متحدہ سمیت دنیا کے ہر ذمہ وار فورم پر مسئلہ کشمیر کو بھرپور انداز میں اجاگر کیا ہے ضروری ہے کہ انٹرنیشنل کمیونٹی کی توجہ کشمیر کے سلسلے کی جانب مبذول کرائی جائے اور عالمی رائے کو انکے حق میں استوار کیا جائےا گورنر سید ظہور احمد آغا نے کہا کہ۔بھارت کی جانب سے مقبوضہ کشمیر پر اسکا مکمل قبضہ اور بھارتی آئین کے آرٹیکل 370 اور 35A کی منسوخی تمام قوانین اور اقدار کی خلاف ورزی ہے.گورنر سید ظہور احمد آغا نے مزید کہا کہ پاکستان کا موقف واضح ہے کہ اقوام متحدہ کی قراردادوں کی روشنی میں مقبوضہ کشمیر کے عوام کو حق خودارادیت دیا جائے۔
