تھرپارکر ،15 اگست (اےپی پی ): ایس ایس پی تھرپارکر حسن سردار نیازی کے احکامات پر عملدرآمد کرتے ہوئے تھرپارکر پولیس اور رینجرز نے امن و امان کو یقینی بنانے کے لیے ایس ڈی پی اوز کی نگرانی میں مٹھی شہر میں فلیگ مارچ کیا ۔
فلیگ مارچ میں مٹھی اور مختلف تھانوں کی پولیس موبائلز، 15 مددگار کی موٹر بائیکز، سندھ رینجرز کی موبائلز نے حصہ لیا۔فلیگ مارچ ماڈل پولیس اسٹیشن مٹھی سے شروع ہو کر کشمیر چوک، سے ہوتے ہوئے شاھی بازار، گڈی بھٹ، فھنگاڑیو پکٹ اور پورے شہرکا چکر لگا کر واپس ماروی پکٹ پر اختتام پذیر ہوا۔
فلیگ مارچ کے انعقاد کا مقصد قانون کی عملداری کا مظاہرہ کرنا، محرم الحرام اور یوم آزادی کی سیکیورٹی کو یقینی بنانا، قانون کی بالا دستی کو قائم رکھنا ہے.۔
فلیگ مارچ میں ڈی ایس پی مٹھی، ایس ایچ مٹھی، ٹریفک انچارج، متعلقہ افسران اور سپاہ سمیت سندھ رینجرز کے افسران اور جوان شریک ہوۓ۔
