پشاور، 14اگست(اے پی پی): ڈائریکٹر جنرل ریسکیو1122 ڈاکٹر خطیر احمد نے کہا ہے کہ عوام یوم آزادی پر کم از کم ایک پودا لگا کر سرسبز پاکستان میں کردار ادا کریں، ریسکیو1122 بھی جشن آزادی پر 5 ہزار سے زائد پودے لگائے گی۔
ان خیالات کا اظہار انہوں نے ریسکیو 1122 کے صوبائی ہیڈ کوارٹر میں جشن آزادی کے حوالے سے پرچم کشائی کی تقریب سے خطاب کرتے ہوئے کیا، انہوں نے کہا کہ ریسکیو1122 کے صوبے بھر میں تمام سٹیشنز پر خصوصی تقریبات کا انعقاد کیا گیا ہے اور مختلف مقامات پر سٹالز لگائے گئے ہیں۔
ڈاکٹر خطیر احمد نے کہا کہ اسکے علاوہ عوام الناس میں ایمرجنسی سے نمٹنے کے لیے آگاہی واک بھی جاری ہیں۔
