سکھر،05جولائی(اے پی پی ): شہر میں چھٹے روز بھی تجارتی وکاروباری سرگرمیاں معطل ،بازاروں اور مارکیٹوں میں ویرانی ،ایس اوپیز کی خلاف ورزیوں پر انتظامیہ کی کارروائیاں جاری۔
حکومت سندھ کے نافذ کردہ لاک ڈاؤن کے تحت چھٹے روز بھی سکھر شہر اور اسکے گرد نواح میں تجارتی و کاروباری مراکز بند رہے، شہر میں تجارتی و کاروباری سرگرمیاں معطل رہیں۔
شہر کے اہم کاروباری ،تجارتی مراکز اور بازاریں گھنٹہ گھرچوک،صرافہ بازار ،کپڑامارکیٹ ،نیم کی چاڑی ،شاہی بازار ،مرچ بازار ،فریئر روڈ، ریس کورس روڈ ،شکارپور روڈ ،غریب آباد ملٹری روڈ اوردیگر علاقے مکمل طور پر بند رہے۔وہاں پر ویرانی چھائی رہی تاہم کچھ مراکز میں ایس اوپیز اور لاک ڈاؤن کی خلاف ورزیاں جاری رہیں، انتظامیہ اور پولیس نے لاک ڈاؤن کے فیصلے پر عملدرآمد کرانے کے حوالے سے سخت کارروائیاں کیں، سڑکوں پر ٹریفک بھی معمول سے کم نظر آئی،اسی طرح ضلع کے دیگر شہروں روہڑی ،پنوعاقل کندھرا ،صالح پٹ میں بھی لاک ڈاو ن کی وجہ سے بازار اور مارکیٹ بند رہیں، سڑکوں پر تریفک بھی کم دکھائی دی۔
