نارووال،05 اگست( اے پی پی): ملک بھر کی طرح ضلع نارووال میں بھی یوم استحصال کشمیر بھرپور طریقے سےمنایا گیا،اس سلسلہ میں ضلعی ہیڈ کوارٹرز کی سطح پر یوم استحصال کشمیر کے حوالے سے ایک بہت بڑی ریلی نکالی گئی،ڈپٹی کمشنرنبیلہ عرفان نے ریلی کی قیادت کی۔
ایڈیشنل ڈپٹی کمشنرزمحمد حنیف،عائشہ غضنفر،عمرفاروق وڑائچ،اسسٹنٹ کمشنر عثمان سکندر،راہنما پی ٹی آئی کرنل((ر)جاوید صفدر،حافظ ذوالفقارمہیس کے علاوہ تمام محکموں کے افسران اور سیاسی سماجی ،وکلاء اور صحافتی برادری کے نمائندگان نےبھی ریلی میں شرکت کی۔
استحصال کشمیر ریلی سے ڈپٹی کمشنرنبیلہ عرفان،کرنل جاوید صفدراور حافظ ذوالفقار مہیس نے خطاب کرتے ہوئے کہا کہ
کشمیر پر بھارت کا ناجائز قبضہ کسی صورت بھی برداشت نہیں اور نہ ہی دنیا اسے تسلیم کرتی ہے۔انہوں نے کہا کہ کشمیری بھائیوں کی جدوجہد عنقریب رنگ لے کر آئیں گی اور ہم سب کشمیری بھائیوں کی ہرطریقے سےحمایت جاری رکھیں گے۔
انہوں نے کہا کہ بھارت اپنے اوچھے ہتھکنڈوں سے باز آجائے اور بھارتی تسلط کے خلاف ہر محاز پر آواز بلند رکھی جائے گی۔
پی ٹی آئی رہنما نے اس موقع پر ملکی ترقی وخوشحالی اور بالخصوص سلامتی کشمیر کی آزادی کے لیے خصوصی دعا کی۔ڈپٹی کمشنر نبیلہ عرفان،جاوید صفدر اور حافظ ذوالفقارمہیس نے اس موقع پر ریلی میں کورونا سے بچاؤ کے لئے فیس ماسک بھی تقسیم بھی کئے۔
