اسلام آباد، 10 اگست ( اےپی پی): وفاقی وزیر داخلہ شیخ رشید احمد نے نیشنل ڈیٹا بیس اینڈ رجسٹریشن اتھارٹی (نادرا) کے ہیڈ کوارٹر کا دورہ کیا۔ وفاقی وزیر داخلہ کو اتھارٹی کی کارکردگی کو مزید بہتر بنانے کے لیے اٹھائے جانے والے اقدامات کے بارے میں بریفنگ دی گئی۔
اس موقع پر انہوں نے کہا کہ اتھارٹی نے کرپٹ عناصر کے خلاف آپریشن شروع کیا ہے اور ملازمین کو غلط کاموں میں مبینہ کردار کی وجہ سے معطل کیا جا رہا ہے۔ انہوں نے مزید کہا کہ 70 لاکھ قومی شناختی کارڈوں کی دوبارہ تصدیق کے لیے ایک عمل شروع کیا گیا ہے ، جو بائیومیٹرک سسٹم سے پہلے جاری کیے گئے تھے۔
انہوں نے کہا کہ اتھارٹی کو بین الاقوامی اداروں کے معیار کے مطابق بنانے کی کوشش کی جا رہی ہے۔
