افغانستان کیلئے 10 کروڑ روپے سے زائد کی اشیاء انسانی ہمدردی کی بنیاد پر پہنچا رہے ہیں ؛ گورنر پنجاب چوہدری محمد سرور

13

لاہور، 22 ستمبر (اے پی پی ): گورنر پنجاب چوہدری محمد سرور نے کہا ہے کہ جب بھی بحران پیدا ہوتا ہے ہماری کوشش ہوتی ہےغریبوں کی مدد کر سکیں، فلسطین پر مشکل  وقت آیا تو  اپنے بھائیوں کی مدد کی، افغانستان کیلئے 10 کروڑ روپے  سے  زائد کی اشیاء انسانی  ہمدردی کی  بنیاد پر پہنچا  رہے ہیں۔

ان خیالات کا اظہار انہوں نے گورنر ہاؤس میں پریس کانفرنس سے خطاب کے دوران کی ۔انہوں نے کہا کہ  پرامن افغانستان پورے خطے اور دنیا کیلئے بہتر ہے۔انہوں نے کہا کہ  نائن الیون پر حملہ انفرادی معاملہ تھا اس  سے پوری مسلم امہ کیسے ذمہ دار ہوگئی، ایسے رویے کو تبدیل کرنے کی ضرورت ہے، انفرادی عمل پر پوری کمیونٹی پر چھاپ نہیں لگانی چاہیے، افغانستان کے لوگوں کو انکے معاملات حل کرنے دیں۔