بہاولنگر، 02 ستمبر(اے پی پی): بہاولنگر ضلع میں آئی جی پنجاب انعام غنی کی ہدایات کے مطابق ڈی پی او آفس میں اینٹی وویمن ہراسمنٹ سیل قائم کر دیا گیا اورضلع بھر میں لیڈیز وکٹم سپورٹ آفیسر ز تعینات کر دی گئیں ہیں جوخواتین سے متعلق ہراسگی اور تشدد کی شکایات پر فوری قانونی کاروائی، فوری طور پر اندراج مقدمہ،تفتیش تکمیل اور ملزم کے چالان ہونے تک درخواست دہندہ سے رابطہ میں رہیں گی۔ یہ سیل 24 گھنٹے بلا تعطیل کام کرے گا اور اسکی براہ راست نگرانی ڈی پی او بہاولنگر کریں گے۔ خواتین کی شکایات پر زنا،اقدام زنا،وائیلنس، ہراسگی،تشدد اور دیگر معاملات پر فوری کاروائی کی جائیگی اور یہ سیل اخلاقی و قانونی سپورٹ بھی مہیا کریگا۔اس کے علاوہ خواتین شہریوں کی درخواستوں پرفوری ایکشن لیتے ہوئے رپورٹ پیش کریں گی جس پر ڈی پی او قانونی کاروائی کے لیے متعلقہ پولیس اسٹیشن کو احکامات جاری کریگا۔
اس موقع پر ڈی پی او محمد ظفر بزدار نے اپنے پیٖغام میں کہا کہ خواتین کے مسائل صرف لیڈیز پولیس اہلکاران کے توسط سے ان کی دہلیز پر ہی حل ہونگے، خواتین شہری کسی بھی مسئلے یا شکایت کی اطلاع وویمن سیفٹی ایپ یا پکار 15
(0639240051)
(0639240062)
(0632277726)
پر دے سکتی ہیں، جس پر فی الفور ایکشن کیا جاے گاکوتاہی کسی صور ت برداشت کی نہیں کی جائے گی۔
