پاکستان تمام ممالک سے اچھے تعلقات کا خواہاں ہے، عالمی سطح کے تعلیمی ادارے بنانا پاکستان کا سب سے بڑا چیلنج ہے، وفاقی وزیر برائے تحفظ خوراک وتحقیق فخر امام کا کانفرنس سے خطاب

اسلام آباد۔14ستمبر  (اے پی پی): وفاقی وزیر برائے تحفظ خوراک وتحقیق فخر امام نے15 ستمبر 1947 یوم الحاق جونا گڑھ کی مناسبت سے مسلم انسٹیٹیوٹ کے زیر اہتمام “جوناگڑھ: چیلنج اور امکانات” کے عنوان سے منعقدہ قومی کانفرنس کے اختتامی سیشن سے خطاب کرتے ہوئے کہا کہ پاکستان تمام ممالک سے اچھے تعلقات کا خواہاں ہے، عالمی سطح کے تعلیمی ادارے بنانا پاکستان کا سب سے بڑا چیلنج ہے۔ آئینی و قانونی طور پر جوناگڑھ پاکستان کا حصہ ہے،وزیراعظم  عمران خان نے اقوام متحدہ کی جنرل اسمبلی میں جہاں کشمیر کا ایشو اٹھایا وہیں جونا گڑھ کا مسئلہ بھی عالمی برادری کے سامنے رکھا ، بھارت جموں وکشمیر ، حیدر آباد اور جونا گڑھ پر غیر آئینی قابض ہے ، مودی کو خبردار کرتے ہیں کہ مقبوضہ کشمیر میں قتل عام بند کرے اور عالمی قراردادوں کے مطابق کشمیریوں کو ان کا حق رائے دہی دے ۔