اوکاڑہ،17نومبر(اے پی پی) ڈپٹی کمشنر کیپٹن (ر) محمد علی اعجاز نے کہا ہے کہ مزدوروں کو ان کی محنت کا پورا معاوضہ بر وقت ملنا چاہیے اور کسی جگہ پر بھی مزدوروں کا استحصال نہیں ہونا چاہیے آجر اور اجیر کے درمیان بہترین تعلقات جہاں انڈسٹری کی بہتر بڑھوتری میں معاون ہیں وہیں پر مزدوروں کی خوشحالی کی بھی ضمانت ہیں ضلع کی تمام انڈسٹریل یونٹس میں کام کرنے والے مزدوروں کے سوشل سیکیو رٹی کارڈز ترجیحی بنیادوں پر بنانے کے لئے اقدامات کئے جائیں ان خیالات کا اظہار انہوں نے ڈسٹر کٹ ویجیلنس کمیٹی برائے چالڈو بانڈڈ لیبر کے جائزہ اجلاس کی صدارت کرتے ہوئے کیا اس موقع پر ڈپٹی ڈائر یکٹر سوشل ویلفیئر محمد اشتیا ق احمد خان نے ڈپٹی کمشنر کیپٹن (ر) محمد علی اعجاز کو ضلع میں مزدوروں کے سوشل سیکیو رٹی کارڈ کے معاملہ پر بریفنگ دی ۔ اجلاس میں بھٹہ ایسو سی ایشن کے ممبران نے بھی شرکت کی ۔ ڈپٹی کمشنر نے کہا کہ زگ زیگ ٹیکنالوجی کے بغیر چلنے والے بھٹوں کے خلاف سخت کاروائی کی جائے اس موقع پر بھٹہ ایسو سی ایشن کے صدر شیخ سلمان اظہر نے مزدوروں کی بہتری کے لئے کئے جانے والے اقدامات پر ڈپٹی کمشنر کیپٹن (ر) محمد علی اعجاز کو بریفنگ دی اور بھٹہ پر کام کرنے والے مزدوروں کے لئے سہو لیات اور سوشل سیکیورٹی فراہم کرنے کی یقین دہانی کروائی ۔
