کراچی،26نومبر (اے پی پی):وزیراعظم کے مشیر برائے خزانہ شوکت ترین نے کہا ہے کہ ایس ایم ایز سیکٹر بہت اہم ہے جس کا پاکستانی جی ڈی پی میں اہم کردار ہے،ہماری معیشت کا پہیہ ان کے ذریعے چلتا ہے لیکن یہ بھی حقیقت ہے کہ یہ دستاویزی نہیں ہے، پی ایس ایکس جیم بورڈ کے استعمال سے ایس ایم ایز ٹیکس نیٹ اور ڈاکومنٹڈ اکانومی کا حصہ بن سکتے ہیں۔
انہوں نے ان خیالات کا اظہارجمعہ کو پاکستان اسٹاک ایکسچینج میں روایتی گھنٹا بجا نے کی تقریب سے خطاب اورمیڈیا سے گفتگو میں کیا۔ مشیر خزانہ شوکت ترین کا کہنا تھا کہ آئی ایم ایف سے معاہدہ کے بعد ٹیکسز میں اضافہ نہیں ہوگا، چھوٹ ختم ہوگی، ٹیکسز نہیں بڑھیں گے،آئی ایم ایف معاہدے سے متعلق غلط فہمیاں جنم لے رہی تھیں، افواہیں تھیں کہ لاکرز سیل ہو جائیں گے حالانکہ ایسا کچھ نہیں ہوگا، ہم نے آئی ایم ایف کو ٹیکسز بڑھانے سے انکار کیا ہے، آئی ایم ایف معاہدے کے حوالے سے غلط فہمیاں نہ پھیلائی جائیں۔
مشیر خزانہ نے کہا کہ کیپٹل مارکیٹ کی بہتری اور اسٹیٹ فنانسنگ کی بہتری ترجیح ہے، ایس ایم ایز سیکٹر کے فروغ کے لیے اقدامات کیے ہیں، جس سے معیشت پر بھی مثبت اثرات مرتب ہوں گے، ایس ایم ایز سیکٹر کا پاکستانی جی ڈی پی میں اہم کردار ہے، جس سے ہماری معیشت کا پہیہ چلتا ہے۔انہوں نے کہا کہ احساس پروگرام کے تحت ہمارے پاس ڈیٹا اکھٹا ہوچکا ہے، حکومت کو امیرغریب کا پتہ چل گیا ہے، ڈیٹا موجود ہے، ٹیکس کی شرح میں اضافہ اور نئے ٹیکس پیئرز کو سامنے لانا خوش آئند ہے، ہمیں اسٹاک مارکیٹ پر لوگوں کا اعتماد بحال کرنا ہوگا،ماضی کے مقابلے کمپنیوں کی رجسٹریشن میں 20 فیصد اضافہ ہوا، سرمایہ کاری کے ٹیکس مراعات کو دیکھنا ہوگا۔
وزیراعظم کے مشیر برائے خزانہ شوکت ترین نے کہا کہ نئی 223 کمپنیوں نے چھوٹے سرمائے سے آغاز کیا تو معیشت اور کیپیٹل مارکیٹ میں بہتری ہوگی۔ جیم بورڈ ٹریڈ فنانسنگ،کیپٹل مارکیٹ کی بہتری میں مدد ملے گی،پہلی جیم بورڈ لسٹنگ کا مارکیٹ میں ہونا اہم اور قابل ستائش ہے،ٹیکس کی شرح میں اضافہ اور نئے ٹیکس پیئرز کو سامنے لانا خوش آئند ہے۔انہوں نے کہا کہ تعمیراتی سیکٹر کیساتھ 40الائیڈانڈسٹریز وابستہ ہیں،رئیل اسٹیٹ سیکٹر میں بڑا سرمایہ ہے جو مختلف شعبہ جات کو ایک ساتھ چلاتا ہے،ٹیکسوں کے پیسے کو بہتر طریقے سے خرچ کرکے معیشت کو بہترکیا جاسکتا ہے۔پاور، پیٹرولیم انرجی سیکٹر میں سرمایہ کاری مارکیٹ کو سپورٹ دے رہی ہے،جوائنٹ انوسٹمنٹ کمپنی مارکیٹ میں مجموعی سرمایہ کاری اور ڈیبٹ مارکیٹ کو سپورٹ کرتی ہے۔
شوکت ترین نے کہا کہ ہمارے ملک میں سرمایہ کار سرمایہ کاری کرنے کیلئے تیار ہیں،میں آپکو یقین دلاتا ہوں کہ ایف بی آر غیر ضروری نوٹسزاب جاری نہیں کرے گا،ہمیں آپکی سپورٹ کی ضرورت ہے جس سے معیشت کی بہتری ہوگی،ہم نے مینجمنٹ بورڈ کا قیام کیا ہے جسے ٹیکس پئیرز کو بہت مدد ملے گی۔ انہوں نے کہا کہ مہنگائی کو روکنے ا ور ایکسپورٹ کو فروغ کرنے کی کوشش کی جارہی ہے، ہمیں اپنے پڑوسی ممالک سے مقابلہ کرنا ہے،ہمیں دیکھنا ہے کہ وہ کیا مراعات دے رہے ہیں،ڈسکائونٹ ریٹ بڑھایا گیا کیونکہ آئی ایم ایف سے معاہدہ ہواہے،اس وقت ایکسچینج رئیل ریٹ ڈالر کا ہے،ہمیں لگتا ہے 10روپے انڈر ویلیوہے،افواہوں کی وجہ سے ڈالر کی قیمت بڑھ رہی ہیں،جب میں پہلے وزیرخزانہ تھا تو تب بھی افواہیں چل رہی تھی،میں افواہیں پھیلانے والوں کو تنبیہ کرنا چاہتا ہوں کہ ڈالر بڑھا ہے تو ایک دم کم بھی ہوگا،ہم ایسے اقدامات کررہے ہیں کہ وہ بہت مارکھائیں گے،ہم مزید کاروباری آسانیوں کیلئے کام کررہے ہیں،فرٹیلائزر پر ہم 150ارب کی سبسڈی دیکر ٹیکس چھوٹ دے رہے ہیں،250ارب روپے کی سبسڈی کا فائدہ کیا کسان کو مل رہا ہے؟نہیں،میرے نزدیک یہ ملک کی ریڑھ کی ہڈی ہے۔انہوں نے کہا کہ ملک میں 50لاکھ کے قریب ایس ایم ایز ہیں اورصرف 10فیصد لوکوں کو بینک لون مل رہے ہیں یہ بہت ناانصافی ہے،ہم کوشش کررہے ہیں کہ آسان طریقے سے انہیں لون اور رقم مل سکیں، ورلڈ بینک کہتا ہے کہ ملک میں غربت کی شرح کم ہوئی ہے،ہمارا لوئر مڈل کلاس پریشان ہے، گائوں دیہاتوں میں خوشحالی ہے،گاڑیاں اور موٹر سائیکلیں فروخت ہورہی ہیں،ہمیں مڈل کلاس کی انکم کیلئے کام کرنا ہے،میں نے پیٹرولیم پر سارے ٹیکسز ختم کردیئے۔انہوں نے ایک سوال پر کہا کہ کوئلہ اور گھی بین الاقوامی مارکیٹ میں قیمت بڑھ گئی ہے،ہم امپورٹ کرتے ہیں، فوڈ پرائسز پوری دنیا میں بڑھ گئی ہیں لیکن بہت جلد قیمتوں میں اضافہ کا سرکل ٹوٹے گا۔ چئیرمین ایس ای سی پی عامر خان نے کہا کہ میں سب کو آج مبارکباد دیتا ہوں کہ بریک تھرو مارکیٹ کودیا گیا،ایس ای سی پی انوسٹر پروٹیکشن کو سپورٹ کرتی ہے،ایزآف ڈئوننگ بزنس سمیت قوانین اور شرائط کو کم کرنیکی کوشش کرتی ہے،ہماری کوشش ہے کہ سب سے پہلے مارکیٹ سے افواہوں کو ختم کریں۔ اس موقع پر پی ایس ایکس کے سی ای او فرخ ایچ خان اورشمشاد اختربھی موجودتھیں۔
