اسلام آباد،1نومبر (اے پی پی):وزیر اعظم عمران خان سے معروف کرکٹرز سر ویوین رچرڈز اور ڈیوڈ گاور نے پیر کو یہاں ملاقات کی۔ملاقات میں ملکی کرکٹ کے فروغ بالخصوص کم عمر کھلاڑیوں کے لئے سہولیات اور مواقع فراہم کرنے پر تبادلہ خیال کیا گیا۔اس موقع پر وزیر اعظم نے کہا کہ پاکستان میں ٹیلنٹ کی کوئی کمی نہیں،حکومت نوجوان کھلاڑیوں کو بہتر سہولیات فراہم کرنے کے لئے اقدامات کر رہی ہے،ہر علاقے میں کھیلوں کے میدان بنانے کی ہدایات دی ہیں تاکہ بچوں اور نوجوانوں کو صحت مند تفریح کے مواقع میسر آسکیں۔دونوں کرکٹرز نے ٹی 20 ورلڈ کپ کے حالیہ میچوں میں پاکستان ٹیم کی کارکردگی کی تعریف کی۔
