ڈیرہ اسماعیل خان ۔19نومبر (اے پی پی): وزیر اعظم کی معاون خصوصی برائے تخفیف غربت و چیئرپرسن بی آئی ایس پی ڈاکٹر ثانیہ نشتر نے میڈیا سے بات چیت کرتے ہوئے کہا کہ احساس رجسٹریشن 8171سروس آج سے بحال ہو گئی۔ وزیر اعظم کی ہدایت ہے کہ احساس پروگرام مکمل شفاف ہو دو کروڑ خاندان احساس راشن پروگرام سے مستفید ہونگے، ماہانہ ہزار روپے سبسڈی دی جاۓ گی۔ انہوں نے مزید کہا کہ گھر کا ایک فرد اپنے رجسٹرڈ موبائل سے احساس کا حصہ بنے، کریانہ سٹور والے نیشنل بینک کے زریعے پوائنٹ آف سیل کھولیں۔ انہوں نے مزید کہا کہ سروے سے رہ جانے والے عوام تحصیل سطح کے احساس ڈیسک پر رابطہ کریں۔
