لاہور23نومبر(اے پی پی ):وزیراعلیٰ پنجاب سردار عثمان بزدار سے اراکین قومی اسمبلی کی ملاقات میں خیر سگالی کے جذبات کا تبادلہ کیا گیا وزیراعلیٰ عثمان بزدار سے ملاقات کرنے والوں میں اراکین قومی اسمبلی صداقت علی عباسی،سید مبین احمداور سمیع گیلانی شامل تھے
اراکین قومی اسمبلی نے پنجاب حکومت اور وزیراعلیٰ عثمان بزدار کی کارکردگی کو سراہا اور اپنے حلقوں کے مسائل سے بھی آگاہ کیاوزیراعلیٰ عثمان بزدارنے مسائل کے حل کیلئے فوری ہدایات دیتے ہوئے کہا کہ سابق دور کی طرح ون مین شو پر یقین نہیں رکھتا بلکہ سب کو ساتھ لے کر چلتا ہوں اور مشاورت کے ساتھ فیصلے کئے جاتے ہیں عثمان بزدار نے مزید کہا کہ ہماری سمت درست اور نیت نیک ہے اپوزیشن کی جانب سے اداروں کو مخصوص ایجنڈے کے تحت نشانہ بنانا قابل مذمت ہےقومی ادارے ہمارا فخر ہیں تحریک انصاف کی حکومت اداروں کے ساتھ کھڑی ہے اور کھڑی رہے گی پی ڈی ایم کی منفی سیاست ختم ہوچکی عوام صرف ترقی اورخوشحالی چاہتے ہیں عوام کو افراتفری کی سیاست سے کوئی سروکارنہیں اور پنجاب کارکردگی کے ہر لحاظ سے دیگر صوبوں کے مقابلے میں آگے ہے۔
