اسلام آباد، 09دسمبر(اے پی پی): سربراہ پاک فضائیہ ایئر چیف مارشل ظہیر احمد بابر سدھو سے آذربائیجان کے سفیر خضر فرہادوف نے جمعرات کو یہاں ملاقات کی، ملاقات کے دوران دونوں معززین نے پیشہ ورانہ اور باہمی دلچسپی کے امور پر تبادلہ خیال کیا۔
ایئر چیف نے کہا کہ پاکستان اور آذربائیجان کے مابین دیرینہ مذہبی، ثقافتی اور تاریخی رشتہ قائم ہے، جو دونوں فضائی افواج کے مابین مضبوط روابط کا مظہر ہے۔ سربراہ پاک فضائیہ نےکہا کہ دونوں ممالک کے درمیان خوشگوار تعلقات قائم ہیں۔ انہوں نے دونوں برادر ممالک کے درمیان باہمی تعاون کو مزید فروغ دینے کے عزم کا اعادہ بھی کیا۔
سفیر خضر فرہادوف نے پیشہ ورانہ مہارت اور ایوی ایشن انڈسٹری میں خود انحصاری کی طرف گامزن پاک فضائیہ کی تعریف کی۔
سورس: وی این ایس، اسلام آباد
