سکھر،09 دسمبر(اے پی پی): محکمہ اینٹی کرپشن کے زیر اہتمام رشوت مٹاؤ ،نئی نسل بچاؤ ،کرپشن سے پاک پاکستان کے عنوان سے لوگوں میں شعور بیداری آگاہی مہم کے سسلے میں مینارہ روڈ تا سکھر پریس کلب تک واک نکالی گئی ۔
شرکاء ریلی نے اپنے ہاتھوں میں کرپشن کے خلاف بینرز اور پلے کارڈ اٹھا رکھے تھے،شرکاء کی جانب سے نعریبازی بھی کی گئی ۔
شرکاء ریلی سے خطاب کرتے ہوئے مذکورہ رہنماؤں کا کہنا تھا ہم سب ملکر ہی رشوت اور کرپشن ختم کرسکتے ہیں، بدعنوانی اور رشوت ستانی ضمیر کی موت اور سماجی برائی ہے،رشوت سے پاک معاشرہ ترقی یافتہ قوم کا عزم ہونا چاہئے۔
شرکاء کا کہنا تھا کہ ہم سب کو ملکر اس کے خلاف جدوجہد کرکے آنے والی نسلوں کو کرپشن اور رشوت سے محفوظ رکھنا ہوگا، پاک سر زمین سے کرپشن ختم کرنا ہم سب کی مذہبی اور اخلاقی زمہ داری ہے۔
شرکاء ریلی نے ملک کو کرپشن اور رشوت سے پاک بنانے کے عزم کا بھی اظہار کیا۔
واک میں محکمہ اینٹی کرپشن سکھر ڈویڑن کے افسران احمد علی شیخ،صوفی عبدالحفیظ چاچڑ،لیاقت علی عباسی، سکھر کی سیاسی، سماجی، مذہبی تاجر تنظیموں کے رہنماؤں حاجی جاوید میمن،ڈاکڑ سعید اعوان، ،سرکاری و غیر سرکاری اداروں کے افسران میونسپل کمشنر سکھر محمد علی شیخ، این جی اوز، سول سوسائٹی کے نمائندگان محمد رضوان میمن و مختلف تعلیمی درسگاہوں کے اساتذہ و بچوں و شہریوں کی بڑی تعداد نے شرکت کی۔
