لاہور،9دسمبر(اے پی پی):وزیراعلیٰ پنجاب سردار عثمان بزدارنے فیصل آباد میں پاکستان کے سب سے بڑے ایکسپو سینٹر بنانے کی اصولی منظوری دیتے ہوئے کہا کہ سیالکوٹ میں بھی ایکسپو سینٹربنایا جائے گا۔ایکسپورٹ بڑھانے کیلئے سیالکوٹ میں سرجیکل سٹی بنایا جائے گا اور چونیاں میں ایکوا پارک پراجیکٹ کا جلدآغاز کردیا جائے گا
اپنی زیر صدارت ہونے والے اہم اجلاس میں وزیر اعلیٰ کا کہنا تھا کہ وزیراعلیٰ سرمایہ کاری سہولت سینٹرسرمایہ کاروں کے مسائل کے حل کیلئے کلیدی کردارادا کررہا ہے ، ہم چین،ترکی،جاپان،کوریا اوردیگر ممالک کے سرمایہ کاروں کی سپیشل اکنامک زونز میں سرمایہ کاری کیلئے دلچسپی کا خیر مقدم کرتے ہیں۔
اجلاس میں پنجاب میں سپیشل اکنامک زونز پر پیش رفت کا جائزہ بھی لیاگیا۔
انھوں نے کہا کہ چونیاں،بہاولپور،مظفرگڑھ میں اکنامک زونزپر کام تیزی سے جاری ہےاور سپیشل اکنامک زونز وہاڑی،گجرات،قائداعظم بزنس پارک شیخوپورہ میں یوٹیلیٹیز کی فراہمی کیلئے فنڈز جاری ہوچکے ہیں۔
وزیراعلیٰ عثمان بزدار نے سپیشل اکنامک زونز کو جلد از جلد فنکشنل کرنے کے لئے ضروری اقدامات کی بھی ہدایت کی۔
اجلاس میں صوبائی وزیر صنعت میاں اسلم اقبال،چیف سیکرٹری،سیکرٹری انڈسٹریز،چیئرمین پیڈمک،چیئرمین فیڈمک، سپیشل مانیٹرنگ یونٹ کے سربراہ اوردیگرحکام نے بھی شرکت کی۔
سورس : وی این ایس ، لاہور
