وہاڑی ،22 جنوری (اے پی پی ): تحصیل وہاڑی کے پٹواریوں نے ڈیجیٹل گردواری اور ریکوری میں ملتان ڈویژن میں پہلی اور پورے پنجاب میں 5 ویں پوزیشن حاصل کرنے پر تقریب کا انعقاد کیا گیا،بہترکارکردگی والے پٹواریوں کو تعریفی سرٹیفکیٹ دئیے گئے۔اسسٹنٹ کمشنر سید وسیم حسن نے پٹواریوں کی کارکردگی کو سراہتے ہوئے کہا کہ یہ سب آپ کی محنت کا صلہ ہے کہ ہماری تحصیل پہلی پوزیشن پر ہے، گورنمنٹ پنجاب کی ہدایت کے مطابق اب تمام پٹواریوں کی کارکردگی ہر تین ماہ بعد جاری کی جائے گی تاکہ پتہ چل سکے کہ کون کتنا کام کرتا ہے ۔تحصیلدار حافظ محمد اقبال کاٹھیا نے کہا کہ گورنمنٹ کی طرف سے جاری کئے گئے انڈیکیٹرز کو ہر صورت پورا کروایا جائے اور ریکوری میں کوئی رعایت نہ برتی جائے ہم نے جو پوزیشن حاصل کی ہے، اسے ضرور برقرار رکھا جائے گا۔
سورس : وی این ایس ، وہاڑی
