سکھر،15فروری (اے پی پی ):چیمبر آف کامرس اینڈ انڈسٹری کے زیر اہتمام چیمبر کے نائب صدر عبدالمجید قریشی کی زیر صدارت ای کامرس آن لائن مارکیٹنگ ورکشاپ کا انعقاد کیا گیا۔ منعقد ہونے والے ورکشاپ میں Enablers سکھر کی جانب سے Amazon کے تناظر میں E-Commerce آن لائن مارکیٹنگ سے متعلق تربیت فراہم کی گئی ،دانش خلیل نے پریزنٹیشن پیش کی۔
اس ورکشاپ میں ایگزیکٹو رکن محمد محسن فاروق ، محمد کامل فاروقی و دیگر نوجوان ممبران نے کثیر تعداد میں شرکت کی۔ عبدالمجید قریشی نے اس ورکشاپ کی تعریف کرتے ہوئے کہا کہ اس طرح کی ورکشاپس و تربیتی پروگرام کے انعقاد سے نوجوان کاروباری طبقے اور E-Entrepreneurs کی حوصلہ افزائی ہوتی ہے، چیمبر اس میں اپنا کردار ادا کرتا ہے۔
ورکشاپ کے اختتام پر شرکاءکو ہائی ٹی پیش کی گئی۔
