رینالہ خورد،13مارچ(اےپی پی): صوبائی وزیر بلدیات میاں محمود الرشید نے حضرت داؤد بندگی کرمانی کے مزار پر حاضری کے بعد مزار پر چادر چڑھائی اور فاتحہ خوانی کی۔
اس موقع پرصوبائی وزیر محمود الرشید نے کہاکہ پوزیشن کو ناکامی کے سوا کچھ نہیں ملے گا، تمام کرپٹ ٹولہ ایسی شخصیت کے خلاف اکٹھے ہوئے جس پر کرپشن کاالزام نہیں۔انہوں نے کہا کہ پاکستان کی بقاء کی واحد امید عمران خان ہے، وزیراعظم کی بنائی گئی کمیٹی ہی نئے وزیر اعلیٰ پنجاب کا فیصلہ کریگی، ملک دشمن قوتیں اپنے مذموم مقاصد میں کامیاب نہیں ہونگی، یہ سارے ہارے ہوئے کرپٹ سیاستدان ہیں جن کی کرپشن کی کیسیز اپنے منطقی انجام تک پہنچنے والے ہیں۔
صوبائی وزیر بلدیات میاں محمود الرشید نے کہا کہ اپوزیشن دعوے تو کر رہیں ہیں مگر میرا نہیں خیال ان کے پاس نمبر گیم پوری ہو گی، چند دن کی بات ہے دودھ کا دودھ پانی کا پانی ہو جائے گا۔ انہوں نے ایڑی چوٹی کا زور لگایا تاکہ ان کو این آر او مل جائے، وزیر اعظم عمران خان نے ان کے حوالے سے نرمی دیکھائی مگر مایوس ہو کر انہوں نے یہ عدم اعتماد کا پتہ کھیلا ہے۔
سورس: وی این ایس، رینالہ خورد
