ملتان،11مارچ(اے پی پی ): ڈپٹی کمشنر عامر کریم خاں نے کہا ہے کہ حکومت پنجاب کی ہدایت پر ضلعی انتظامیہ کی جانب سے “پنجاب ہمارا مان اوچا شملہ پنجاب دا” سلوگن کے تحت ضلع بھر میں 14 مارچ کو پنجاب کلچر ڈے منایا جائے گا۔پنجاب کلچر ڈے کے موقع پر رنگا رنگ کلچرل پروگرام،گھڑ ڈانس،ڈھول جھومر سمیت مختلف ایونٹس ہونگے۔
ان خیالات کا اظہار انہوں نے رضا ہال میں منعقدہ اجلاس سے خطاب کرتے ہوئے کیا۔ڈپٹی کمشنر عامر کریم خاں نے کہا کہ کلچر ڈے کے موقع پر سوہنے پنجاب کے کلچر اور روایات کو اجاگر کیا جائے گا جبکہ آرٹس کونسل،تعلیمی اداروں اور پارکس میں پنجاب کی روایات کو مخلتف پروگرامز کے ذریعے اجاگر کیا جائے گا۔
ڈپٹی کمشنر نے کہا کہ تمام سرکاری اداروں کے سربراہان اور اہلکار پنجاب کی روایات پر مبنی لباس زیب تن کرینگے ۔انہوں نے اجلاس کے دوران ضلعی محکموں کو انتظامات مکمل کرنے کی ہدایت کی ۔
سورس:وی این ایس، ملتان
