لاہور، 03 مئی (اے پی پی ): وزیر اعلیٰ پنجاب حمزہ شہباز نے کہا ہے کہ اتفاق، برداشت، حکمت، باہمی مشاورت سے تمام سیاسی جماعتوں کو ملک کے لئے سوچنا ہوگا۔
منگل کو یہاں میڈیا سے گفتگو میں وزیر اعلیٰ پنجاب کا کہنا تھا کہ پنجاب اسمبلی میں قائد حزب اختلاف کو پبلک اکاونٹس کمیٹی کا چیئر مین بنانے کے لئے تیار ہیں۔
وزیر اعلیٰ نے کہا کہ رات 12 بجے عدالت نہ کھلتی تو آج پاکستان بنانا ریپبلک بن چکا ہوتا۔انہوں نے کہا کہ کروڑ نوکریوں اور پچاس لاکھ گھروں کا جھانسہ دینے والوں نے عوامی جذبات مجروح کر کے جرم کیا ہے۔
سورس : وی این ایس ، لاہور
