اوکاڑہ،27مئی (اے پی پی) : ڈپٹی کمشنر زاہد پر ویز وڑائچ نے کہا ہے کہ ضلع میں ہمہ جہت ترقی، شہری اور دیہی علاقوں میں ترقیاتی منصوبوں کے ذریعے لوگوں کے مسائل و مشکلات میں کمی اور علاقائی ضرورت کے مطابق تعمیر و ترقی کے منصوبو ں کی تکمیل کے لئے اقدامات وقت کی ضرورت ہے۔
ان خیالات کا اظہار انہوں نے ڈسٹر کٹ ڈویلپمنٹ کمیٹی کے اجلاس کی صدارت کرتے ہوئے کیا ۔اجلاس کو بتایا گیا کہ سالانہ ترقیاتی پرو گرام 2021-22 میں کل 54 ترقیاتی سکی میں شامل ہیں 17 نئی جبکہ 37 جاری سکی میں ہیں سالانہ ترقیاتی پروگرام کے تحت اوکاڑہ میں سپیشل ایجوکیشن کمپلیکس ،تحصیل سپورٹس کمپلیکس ،36-4;76; میں رورل ہیلتھ سنٹر بنا ئے جا رہے ہیں۔ پبلک ہیلتھ کی ضلع میں سولنگ ، نالی ،ٹف ٹائل ،واٹر سپلائی کی کل 11 سکی میں ہیں جن میں سے 3 نئی ہیں جبکہ 8 سابقہ سکیموں پر کام جاری ہے لوکل گورنمنٹ کا تین ترقیاتی منصوبوں پر کام جاری ہے جبکہ محکمہ ہائی وے کی 10 سڑکیں مکمل ہو چکی ہیں اور 7 پر کام جاری ہے محکمہ انہارکے 3 ترقیاتی منصوبوں پر کام ہو رہا ہے محکمہ جنگلات کی ایک جبکہ محکمہ وائلڈ لاءف کی 2 سکی میں تکمیل کے مراحل میں ہیں ۔
اجلاس کو بتایا گیا کہ کمیو نٹی ڈویلپمنٹ پروگرام کے تحت 34 سکیموں پر کام کیا گیا ہے جن میں سے 32 مکمل ہیں ان سکیموں پر 259 ملین روپے خرچ ہو چکے ہیں ۔
ڈپٹی کمشنر زاہد پرویز وڑائچ نے ترقیاتی اداروں کے افسران کو ہدایت کی کہ وہ ترقیاتی منصبوں کی ذاتی طور پر نگرانی کریں۔تعمیراتی منصوبوں میں میٹریل کی کوالٹی بہترین ہونی چاہیے دستیاب فنڈز کی کفایت شعاری، ایمانداری اور سلیقہ سے استعمال کو یقینی بنا یا جائے ۔انہوں نے کہا کہ یہ منصوبے پائیداری ،کفایت شعاری اور لوگوں کو سہولت فراہم کرنے کے سلسلہ میں اپنی مثال آپ ہونا چاہییں ۔
اجلاس میں ایڈیشنل ڈپٹی کمشنر فنانس اینڈ پلاننگ چوہدری طاہر امین سمیت تمام ترقیاتی محکموں کے ضلعی سر براہان اور متعلقہ افسران نے شرکت کی۔
