مری ، 12 جون (اے پی پی ): مری کے مختلف گھنےجنگلات میں لگنے والی آگ پر قابو پانے کیلئے ریسکیو 1122 نے بروقت رسپانس کیا اور آگ پر قابو پا لیا گیا ہے ۔جنگلات میں لگنے والی آگ پر قابو پانے کیلئے متعلقہ محکمے اور مقامی افراد کا کردار بھی اہم رہا۔تنگ لنک روڈز ،متاثرہ علاقوں میں پانی کا سورس نہ ہونے،مشکل ترین اور دشوار گزار راستے، کانٹے داد رکاوٹوں کو عبور کرتے ہوۓ ریسکیو اہلکار کئی میل پیدل پہنچ کر آگ پر قابو پانے میں مصروف رہے۔
انچارج ایمرجنسی آفیسر نے خود موقع پر پہنچ کر امدادی کارروائیوں میں ریسکیو اہلکاروں کے ساتھ فائر آپریشن میں حصہ لیا۔ریسکیو 1122 مری کے مطابق جنگلی حیات حیوانات نباتات،اور جنگل سے نذدیکی آبادی کو محفوظ بنانا ترجیحات میں شامل رہا۔
