لاہور،30 جون(اے پی پی): گورنر پنجاب محمد بلیغ الرحمان سے چیئرمین سینیٹ صادق سنجرانی نے جمعرات کو گورنر ہاؤس میں ملاقات کی اور باہمی دلچسپی کے امور پر تبادلہ خیال کیا۔ مردان سے تعلق رکھنے والے سینیٹر دلاور خان اور سینیٹر طلحہ محمود بھی اس موقع پر موجود تھے۔
گورنر پنجاب نے گفتگو کرتے ہوئے کہا کہ حکومت ملک کو درپیش مسائل کو حل کرنے کے لیے اقدامات اٹھا رہی ہے اور کہا کہ ملک و قوم کی ترقی اور استحکام موجودہ حکومت کی ترجیح ہے۔
چیئرمین سینیٹ اور سینیٹرز نے محمد بلیغ الرحمان کو گورنر پنجاب کا عہدہ سنبھالنے پر مبارکباد دی۔
