اوکاڑہ،13جولائی(اے پی پی ):انسپکٹر جنرل خالد محمود کی ہدایت پرنیشنل ہائی ویزاینڈ موٹروے پولیس نے عیدالاضحی کےموقع پرپبلک سروس گاڑیوں کے ڈرائیورز اور عملہ کی جانب سے زائد کرایہ کی مد میں وصول کیے جانے والے 58لاکھ روپے سے زائد مسافروں کو واپس دلوائے۔اس کے علاوہ زائد کرایہ وصول کرنے والی 4,077پبلک سروس گاڑیوں کو جبکہ اوورلوڈنگ کرنے والی 17,449گاڑیوں کو بھاری جرمانے عائد کئے۔
ترجمان موٹروے پولیس کے مطابقانسپکٹر جنرل خالد محمود نے کہا ہے کہ موٹرویز اور ہائی ویزپر سفرکرنیوالے مسافروں کا تحفظ ہماری اولین ذمہ داری ہے۔عید الاضحی کے موقع پر موٹروے پولیس کی جانب سے اٹھائے گئے یہ اقدامات نو مو ر مہم کا تسلسل ہیں جس کے حوصلہ افزانتائج ملےہیں۔موٹروے پولیس نے دو ہزار سے زائد گاڑیوں کوحدرفتار سے تجاوزکرنے پرتعاقب کرکےانہیں بھاری جرمانے عائد کیے جبکہ مختلف مقامات پر تعینات اسپاٹرز، روڈ سیفٹی پیغامات پر مبنی سائن بورڈز اور مین ٹول پلازوں پر تعینات بریفنگ افسران نے بھی مسافروں کے تحفظ اور یکساں قانون کے نفاذ میں اہم کر دار ادا کیا۔نیشنل ہائی ویز اینڈ موٹروے پولیس نئے جوش اور عزم کے ساتھ عوام کی خدمت کیلئے پرعزم ہے۔
