اسلام آباد،01 اگست (اے پی پی):پاک بحریہ کی جانب سے حالیہ بارشوں اور سیلاب سے متاثرہ بلوچستان کے مختلف علاقوں میں ریلیف آپریشن جاری ہے۔
ترجمان پاک بحریہ پاک بحریہ، پی ڈی ایم اے بلوچستان اور ضلعی انتظامیہ کے تعاون سے بے گھر ہونے والے افراد کے لئے بیلہ میں ٹینٹ ولیج کا قیام کیا گیا۔ٹینٹ ولیج کے ساتھ مفت میڈیکل کیمپ بھی قائم کیا گیا ہے جہاں پاک بحریہ کے ڈاکٹرذ اور طبی عملہ علاج اور ادویات فراہم کر رہا ہے۔آپریشن کے دوران ضلع لسبیلہ کے علاقوں میں تیار کھانا، راشن اور دیگر ضروری سامان فراہم کیا گیا۔ پاک بحریہ سیلاب متاثرین کے ریلیف اور ریسکیو کے علاوہ بحالی کے لیے بھی مدد فراہم کرنے کے لئے پر عزم ہے۔
