جلالپورپیروالا، 18 اگست ( اےپی پی): موٹروے پولیس کے سیکٹر آفس میں تمام بس کمپنیز کے مالکان کیساتھ میٹنگ کا انعقاد کیا گیا ،سیکٹر کمانڈر رانا محمد اسماعیل نے کہا کہ موٹروے پولیس نے MC-II زون پر بغیر ٹریکر والی بسوں کے خلاف کریک ڈاؤن کا آغاز کردیا ہے۔ بغیر ٹریکر والی پبلک ٹرانسپورٹ کا داخلہ موٹروے پر بند کر دیا جائے گا۔ تمام ٹرانسپورٹ کمپنیز بس کو ڈرائیورز کے حوالے کرنے سے پہلے ڈرائیورز کے اوقات اور آرام کو مانیٹر کریں کنڈکٹرز/ اسٹیورڈز کو بھی بسوں میں سونے کی اجازت نہیں ہونی چاہیے، بلکہ ڈرائیورز کی پچھلی سیٹوں پر بیٹھے مسافروں کو بتایا جائے کہ وہ ڈرائیور پر نظر رکھنے کے ذمہ دار ہیں، بس کی پہلی 4 سیٹوں کے سامنے اسٹیکرز لگائیں اگر ڈرائیور نیند کی حالت میں گاڑی چلاتے ہیں یا حد رفتار سے تجاوز کرتے ہیں تو مسافر NHMP کے ہیلپ لائن نمبر پر اطلاع دیں اگر ڈرائیوروں کی لاپرواہی بالخصوص نیند آنے کی وجہ سے حادثہ پیش آیا تو کمپنی کے خلاف سخت کارروائی کی جائے گی اور موٹروے پر اس کمپنی کا داخلہ بند کر دیا جائے گا مالکان بسوں میں نصب کیمروں کی مانیٹرنگ کریں تاکہ ڈرائیورز کے غیر معمولی رویوں سے خبردار کیا جا سکے۔
