اسلام آباد، 15 ستمبر (اے پی پی ): وزیر اعظم محمد شہباز شریف سے وفاقی وزیر انفارمیشن ٹیکنالوجی سید امین الحق اور رکن قومی اسمبلی خالد مقبول صدیقی نے جمعرات کو یہاں ملاقات کی ہے، ملاقات میں ملک کی مجموعی صورت حال اور سیلاب سے متاثرہ علاقوں میں جاری بحالی کے کاموں پر بات چیت کی گئی۔
ملاقات میں وفاقی وزیر داخلہ رانا ثنا اللہ ، وفاقی وزیر اقتصادی امور سردار ایاز صادق اور مشیر وزیر اعظم احد چیمہ بھی موجود تھے ۔
