ملتان 07 نومبر(اے پی پی ) : پی ایچ اے ملتان نے چار نئے پارک اور قدیمی گرین بیلٹ سوتری وٹ کی بحالی کا فیصلہ کر لیا ہے۔اس سلسلے میں شہر کے مختلف علاقوں میں پارکوں کی تعمیر جاری ہے۔ پارکوں کو جدید سہولیات سے آراستہ کیا جا رہا ہے,بچوں کے لیئے جھولوں کی تنصیب یقینی بنائی جا رہی ہے منصوبوں کو جلد از جلد مکمل کرنے کی کوشش کی جا رہی ہیں جاگنگ ٹریک،گزیبو ز،ڈسٹ بن،بینچززکی تنصیب یقینی بنائی جائے گی۔
ان خیالات کا اظہار ڈی جی پی ایچ اے ملتان سید شفقت رضا نے انصاف کالونی فیملی پارک،گلشن مہر،بہارے مدینہ اور سوتری وٹ گرین بیلٹ کے دورے کے موقع پر کیا۔اس موقع پر ڈائریکٹر انجنینرنگ عدنان بٹ،اسسٹنٹ ڈائریکٹر انجنینئرنگ خالد ظفر اور شاہد کامران بھی موجود تھے۔ڈی جی پی ایچ اے ملتان سید شفقت رضا نے کہا کہ پارکوں میں ترقیاتی کاموں کو شفاف انداز سے مکمل کیا جائے گا۔پارکوں میں موجود میٹریل کو چیک کرتے ہوئے اُنھوں نے کہا کہ معیاری کام پر سمجھوتہ نہیں ہوگاغیر معیاری کام چیک کرتے ہوئے اُنھوں نے کہا کہ غیر معیاری کام کو برداشت نہیں کریں گے۔غیر معیاری کام کرنے والے ٹھیکیداروں کو برداشت نہیں کریں گے۔عوامی سہولیات کو بہترین سے بہترین انداز سے مکمل کرنے کاٹاسک دے دیا گیا ہے جاگنگ ٹریکس،ورکنگ ٹریکس اور دیگر سہولیات سے پارکوں کو آراستہ کر رہے ہیں۔سوتری وٹ گرین بیلٹ کو بہترین حالت میں بحال کریں گے۔باؤنڈری وال کی تعمیر تیزی سے جاری ہے بچوں کے لیئے جھولے بھی لگائیں گے۔
