ملتان ، 23 فروری (اے پی پی ):راؤ نعیم شاہد(سپرنٹنڈنٹ آف پولیس) نے چیف ٹریفک آفیسر ملتان کا چارج سنبھال لیا ہے ۔ ٹریفک آفیسرز سرکل سٹی، قذافی،ہیڈ کوارٹرز، محمدطاہر آفس سپرنٹنڈنٹ،دفاتر وفیلڈ میں تعینات ٹریفک سٹاف نے چیف ٹریفک آفیسر کا پرجوش طریقہ سے استقبال کیا۔
نئے تعینات ہونے والی چیف ٹریفک آفیسر نے دفاتر و برانچز ہائے کا دورہ کیا اور تمام سٹاف کو محنت و لگن سے ڈیوٹی سر انجام دینے کا کہا۔ انہوں نے کہا کہ ملتان میں آبادی کے اضافہ کے ساتھ ساتھ ٹریفک کے مسائل میں کافی اضافہ ہوا ہے جس کو بہتر کرنا میری اولین ترجیح ہو گی۔ روڈ سے تجاوزات، بھکاریوں کے خاتمہ کے لئے سپیشل ٹیمیں تشکیل دی جائیگی اسی طرح ملتان میں کسی بھی جگہ ٹریفک بلاک ہونے کی صورت میں سپیشل رسپانس ٹیم تشکیل دی جائیگی جو کسی بھی ایمرجنسی کی صورت میں ٹریفک کو کلیئر رکھنے کے ذمہ دار ہونگے۔
