فیصل آباد،14فروری(اے پی پی): فیصل آباد کے دو قومی حلقوں میں ضمنی انتخابات میں حصہ لینے کیلئے 15 امیدواروں نے کاغذات نامزدگی جمع کرا دیئے ہیں جبکہ الیکشن کمیشن امیدواروں کی حتمی فہرست کل مورخہ 15فروری بروز بدھ جاری کرے گا۔
فیصل آباد کے قومی اسمبلی کے حلقہ این اے 107میں 8 امیدواروں نے کاغذات نامزدگی جمع کرائے جن میں پاکستان تحریک انصاف (پی ٹی آئی) کے خرم شہزاد، پیپلز پارٹی کے میاں اشفاق حسین، خرم اعجاز کاہلوں، رانا مشتاق، ملک سردار، ڈاکٹر منور فیاض سنی، پاکستان تحریک لبیک کے ذوالفقار علی اور پاکستان سنی تحریک کے بہادر علی رضوی شامل ہیں۔ اسی طرح حلقہ این اے 109 سے کاغذات نامزدگی جمع کرانے والوں میں پاکستان مسلم لیگ ن کے اعجاز ورک،پی ٹی آئی کے فیض اللہ کموکا، پیپلز پارٹی کے نجم ضیاء وڑائچ، سابق یوسی چیئرمین حق نواز غفاری، پاکستان سنی تحریک کے میاں عبدالرحمان، پاکستان تحریک لبیک کے چوہدری لیاقت علی گجر اور سردار مزمل ڈوگر شامل ہیں۔
