ملتان، 13 فروری (اے پی پی ):پی ایس ایل کرکٹ میچز پر ریسکیو 1122 ملتان ہائی الرٹ ہے۔ ایمرجنسی کور پلان پر 138 اسٹاف، 08 فائر ٹینڈر، 09 ایمبولینسز، 10 موٹر بائیکس ایمبولینسز، 02 اسپیشل وہیکلز اور 02 آفیشل وہیکلز ڈیوٹی پر تعینات ہیں۔
ڈسٹرکٹ ایمرجنسی آفیسر ریسکیو 1122 ڈاکٹر کلیم اللہ کی ہدایت پر اسٹاف ایمرجنسی کور پلان کے مطابق ڈیوٹی سرانجام دے رہا ہے، خاص طور پر کرکٹ اسٹیڈیم کے اندر اور باہر پوسٹیں بنائی گئی ہیں، پوسٹوں اور ریسکیو کی گاڑیوں کے ساتھ سٹاف الرٹ ہے۔ پی ایس ایل ایمرجنسی کور پلان کی ڈسٹرکٹ ایمرجنسی آفسر ریسکیو 1122 براہ راست نگرانی کر رہے ہیں۔
اس حوالے سے ڈسٹرکٹ ایمرجنسی آفیسر ڈاکٹر کلیم اللہ نے کہا کہ پی ایس ایل کرکٹ میچوں کے موقع پر خصوصی تربیت یافتہ سٹاف تعنات ہے اور ریسکیو 1122 کنٹرول روم چوبیس گھنٹے فعل ہے جبکہ پی ایس ایل میچوں کے دوران بھی ہر ایمرجنسی کال پر ایمرجنسی سروس کی فراہمی کا سلسلہ جاری رکھا ہوا ہے۔انہوں نے کہا کہ موٹربائیکس ایمبولینسز سروس کی بھی خصوصی پوسٹوں پر سٹاف الرٹ ہےاور بروقت ایمرجنسی سروس کی فراہمی کر رہا ہے۔
