لاہور، 27 اپریل(اے پی پی): سیکرٹری صنعت و تجارت احسان بھٹہ نے پنجاب سمال انڈسٹریز کارپوریشن کے زیر تعمیر دفتر کا دورہ کیا اور ترقیاتی کاموں پر پیشرفت کا جائزہ لیا۔ ایم ڈی پی ایس آئی سی عاصم جاوید اور دیگر متعلقہ افسران نے سیکرٹری کو ترقیاتی کاموں کے بارے میں بریفنگ دی۔ بریفنگ میں بتایا گیا کہ پیسک کی چھ منزلہ عمارت جس کے تہہ خانے میں دو کار پارکنگ منزلیں ہیں اس کی تعمیر 2019ء سے جاری ہے ۔ تاہم تعمیر کے دوران ٹھیکیدار اس کا ڈھانچہ مکمل نہیں کر سکا اس لیے اسے بلیک لسٹ کر دیا گیا جس وجہ سے تعمیراتی عمل 2 سال تک رکا رہا۔ اب پیسک بورڈ نے باقی ماندہ کام کی تعمیر کی منظوری دے دی ہے۔ سیکرٹری صنعت و تجارت نے ہدایت دی کہ پیسک انتظامیہ عمارت کو 3 یا 4 ماہ میں مکمل کروانے کے لیے فوری طور پر IDAP یا محکمہ مواصلات وتعمیرات سے رابطہ کر ے عمارت کی تکمیل پرپیسک ہیڈ کوارٹر، انھوں نے کہا کہ پیسک کی دکان اور انڈسٹریز اینڈ کامرس ڈیپارٹمنٹ کو یہاں منتقل کیا جائے گا. احسان بھٹہ نے کہا کہ دفتر کی یہاں منتقلی سے کرایہ کی مد میں لاکھوں روپے کی بچت ہو گی، انھوں نے ہدایت دی کہ منظور شدہ پی سی ون کے مطابق عمارت کے معیار کو یقینی بنایا جائے۔
