نوشہرہ ورکاں،28اپریل ( اے پی پی): ڈپٹی کمشنرگوجرانوالہ فیاض موھل کی ہدایت پر گوجرانوالہ بھر میں اسسٹنٹ کمشنران ایکشن،،2رائس ملز کے گودام سیل،ایک ڈیلر مزاحمت پر گرفتار کر لیا گیا۔
اسسٹنٹ کمشنر نے ڈسٹرکٹ فوڈ کنٹرولر گوجرانوالہ کے ہمراہ نوشہرہ ورکاں کی مختلف رائس ملز پر چھاپے مارے اور وہاں موجود 26کروڑ9لاکھ49ہزار مالیت کے گندم کے53ہزار 5 سو28بیگ محکمہ خوراک کے حوالہ کر دیئے۔
محکمہ خوراک کا عملہ گندم مرکز گندم خرید نوشہرہ ورکاں منتقل کر رہا ہے۔ سیٹھ اسلم رائس ملز سے21سو،شاہین رائس ملز سے 18ہزار6سو، راجپوت رائس ملز سے27 سو، رائس ملز سے 20ہزار،مدینہ رائس ملز سے4 ہزار، عادل رائس ملز سے28سو،مدنی رائس ملز سے13 سو 28تھیلے محکمہ خوراک کے حوالہ کئے گئے ہیں۔
نیشنل رائس ملز اور نعمت رائس ملز کے مالکان نہ ہونے کی بنا پر ان کے تمام گودام سیل کر دیئے گئے جبکہ ایک ڈیلر کو مزاحمت پر گرفتار کر لیا گیا۔ اس موقع پر اسسٹنٹ کمشنرنوشہرہ ورکاں میاں اظہر طارق وٹو نے گفتگو کرتے ہوئے کہاکہ حکومت کی جانب سے دیا گیا ٹارگٹ ہر حال میں پورا کیاجائے گا، دیگر شیلز کو بھی چیک کیا جائے گا۔کسی کو گندم ذخیرہ کرنے کی اجازت نہیں دی جائے گی۔
ذخیرہ اندوزوں اور پرائیویٹ گندم فروخت کرنے والے افراد کے خلاف قانون حرکت میں آئے گا اور ان کے خلاف بلا تفریق عمل میں لائی جائے گی اور کوئی دباؤ قبول نہیں کیا جائے گا۔
