اسلام آباد۔28اپریل (اے پی پی):وزیرِ اعظم محمد شہباز شریف سے متحدہ مجلس عمل پاکستان کے رکن قومی اسمبلی صلاح الدین ایوبی نے ملاقات کی۔ جمعہ کو وزیراعظم آفس کے میڈیا ونگ سے جاری بیان کے مطابق ملاقات میں ملکی سیاسی صورتحال پر تبادلہ خیال کیاگیا۔ صلاح الدین ایوبی نے وزیرِاعظم کو اعتماد کے ووٹ پر مبارکباد پیش کرتے ہوئے کہا کہ ملک کے سب سے بڑے ایوان نے 22 کروڑ عوام کی امنگوں کے عین مطابق وزیرِ اعظم پر اعتماد کا اظہار کیا۔
