اٹک(اے پی پی) ایڈیشنل ڈپٹی کمشنرفنانس اینڈپلاننگ اٹک وقاراکبرچیمہ نے کہا ہے کہ ڈینگی کا مکمل خاتمہ حکومت کی اولین ترجیح ہے۔
انہوں نے ان خیالات کااظہار ڈی سی آفس اٹک میں انسداد ڈینگی مہم کے حوالے سے ایک اجلاس کی صدارت کرتے ہوئے کیا، اجلاس میں محکمہ تعلیم،صحت سمیت دیگر محکموں کے افسران نے شر کت کی۔
سی ای او ہیلتھ ڈاکٹراسداسماعیل اور محکمہ صحت کے افسران نے شر کاءکو انسداد ڈینگی مہم کے حوالے سے تفصیلی بر یفنگ دی،بر یفنگ دیتے ہوئے بتا یا گیا کہ ضلع بھر میں ڈینگی کے خاتمے کے اقدامات کے جا رہے ہیں، اس ضمن میں تمام محکمے اپنا خصوصی کردار ادا کر رہے ہیں، اس کے ساتھ عوامی آگاہی کے لئے بھی محکمے مہم چلا رہے ہیں۔
اجلاس میں ڈینگی مہم کے حوالے سے تمام محکموں کی کار کر دگی کا تفصیلی جائزہ لیا گیا اے ڈی سی فنانس اینڈپلاننگ اٹک نے اس موقع پر اجلاس سے خطاب کرتے ہوئے کہا کہ ڈینگی مچھر انتہائی خطرناک اور جان لیوا ہے،ضرورت اس امر کی ہے کہ تمام سرکاری، نیم سر کاری اور نجی ادارے ڈینگی کے خاتمے کے لیے اپنا بھر پور کر دار ادا کر یں اور تمام ضروری اقدامات یقینی بنائیں۔
