سخت محنت کر کے معیشت کی سمت درست کی ،وفاقی وزیرمرتضٰی جاوید عباسی

20

ایبٹ آباد۔8جون  (اے پی پی):وفاقی وزیرپارلیمانی امورمرتضیٰ جاوید عباسی نے کہاہے کہ  پی ٹی آئی کے چار سالوں میں معیشت کا بیڑہ غرق ہوا ، باہر سے پاکستان کے دشمن اور اندر سے پی ٹی آئی والے کہہ رہے تھے ملک ڈیفالٹ اورسری لنکا جیسا حال ہو گا لیکن انکی خواہش پوری نہیں ہوئی، تحریک انصاف کی غلط پالیسیوں کی وجہ سے ملک ڈیفالٹ کے دہانے پہنچ گیا تھا ، ان خیالات کا اظہاراُنھوں نے یو سی پلک میں 1کروڑ 90 لاکھ روپے کی لاگت سے رابطہ شاہراہ دروازہ پنیالی تا اندر کوٹ روڈپی سی سی ،بسوٹہ تا دیوان نیرگول روڈ کے افتتاح کے موقع پر کیا ،وفاقی وزیرنے کہا کہ گزشتہ نو ماہ کے  دوران  سخت محنت کر کے معیشت کی سمت درست کی گئی ، اشیائے خوردونوش اور پیٹرول و ڈیزل کی قیمتیں کم ہوئیں ، مہنگائی کو کم کرنے کیلئے آئی ایم ایف سے جان چھڑانے کا فیصلہ کیا گیا ،وفاقی وزیرمرتضی جاوید عباسی نے کہا کہ یوسی پلک سے دِل کا رشتہ ہے ، خواہش ہے یہ یوسی بھی میرے حلقے میں لگ جائے ، میں جس بھی حلقے میں ہوا  یوسی پلک اور سرکل بکوٹ کو کبھی فرق محسوس نہیں ہونے دونگا،پانی اور بجلی کے مسائل ترجیحی بنیادوں پر حل کرینگے ، ریالہ ترمٹھیاں روڈ سمیت دیگر اہم شاہراہوں کے لیے بھی فنڈز لائیں گے اورعوامی مطالبات پورے ہونگے۔