شیخوپورہ،15جون(اے پی پی): ڈپٹی کمشنر سرمد تیمور نے بارش کے بعد نکاسی آب کی صورت حال اور ممکنہ طور پر ہونے والی بارش کے پانی کی نکاسی کے انتظامات کا جائزہ لینے کے لئے شہر کے مختلف علاقوں کا دورہ کیا ۔
ڈپٹی کمشنر سرمد تیمور نے میونسپل کارپوریشن کے افسران کو ہدایت کی کہ بارش سے متاثرہ نشیبی علاقوں سے پانی کی نکاسی کے لئے فوری طور پر انتظامات کئے جائیں اور کسی بھی جگہ بارش کا پانی کھڑا نطر نہ آئے۔
ڈپٹی کمشنر نے واٹر ڈسپوزل اسٹیشنز کا بھی جائزہ لیا اور بارش میں شہریوں کی سہولیات کے لیے ڈیوٹی کرنے والے ملازمین کو شاباش دی۔ڈپٹی کمشنر سرمد تیمور کا کہنا تھا کہ بارش میں نشیبی علاقوں کا جائزہ لینے کا مقصد نکاسی آب کو فوری طور پر یقینی بنانا ہے تا کہ شہریوں کو کسی قسم کی دشواری کا سامنا نہ ہو۔
ڈپٹی کمشنر سرمد تیمور نے انتظامیہ کو ممکنہ بارشوں کے پیش نظر ہدایت کی ہے کہ تمام عملہ الرٹ رہے اور بارش کی صورت میں نشیبی علاقوں میں پانی کی جلد نکاسی کو یقینی بنایاجائے۔
ڈپٹی کمشنر سرمد تیمور نے مزید ہدایت کرتے ہوۓ کہا کہ نکاسی آب کے لیے وضع کردہ پلان پر عملدرآمد کرتے ہوۓ ضروری مشینری کے ذریعے نکاسی آب کو کم سے کم وقت میں یقینی بنایا جائے۔انہوں نے کہا کہ بارشی پانی کے جلد نکاس میں غفلت برداشت نہیں کی جائے گی۔ شہریوں کو کسی صورت مشکل کا سامنا نہیں ہوناچاہئے۔ شہریوں کو کسی دشواری کا سامنا کرنا پڑا تو غفلت کرنے والے عملے کی خلاف سخت کارروائی کی
جا ئے گی۔
اس موقع پر اسٹنٹ کمشنر شیخوپورہ لاریب اسلم اور میونسپل کارپوریشن کے افسران بھی ڈپٹی کمشنر کے ہمراہ تھے۔
