کوئٹہ، 19 جون ( اے پی پی):وزیراعلی بلوچستان میر عبدالقدوس بزنجو کی زیر صدارت صوبائی کابینہ کا بجٹ اجلاس منعقد ہوا۔ اجلاس میں سیکریٹری خزانہ قمبر دشتی نے کابینہ کو صوبائی محاصل اور اخراجات پر بریفنگ دی اور سیکریٹری خزانہ نے کابینہ کو آئندہ مالی سال کے بجٹ کے اعداد و شمار اور خدو خال پر بھی بریفنگ دی۔
کابینہ کے اجلاس میں ایڈیشنل چیف سیکریٹری منصوبہ بندی و ترقیات حافظ عبدالباسط نے بھی کابینہ کو آئندہ مالی سال کے ترقیاتی پروگرام سے متعلق بریفنگ دی جس کے بعد بلوچستان کابینہ نے مالی سال 2023-24 کے صوبائی بجٹ کی اتفاق راۓ سے منظوری دے دی۔
