اٹک، 13 جولائی(اے پی پی): موٹروے پولیس کی برق رفتار کارروائی، چوری شدہ گاڑی ایک گھنٹے کے اندر برآمد کر لی، تین خواتین سمیت چار ملزمان کو گرفتار کر لیا گیا۔
ترجمان موٹروے پولیس کے مطابق موٹروے پولیس کو اطلاع ملی کہ ایک ڈبل کیبن حضرو سے چوری ہو گئی ہے جس پر موٹروے پولیس کو الرٹ کر دیا گیا جو ایک گھنٹے کے اندر چوری شدہ گاڑی کو ٹریس کر کے ،ایم ون اسلام آباد ٹول پلازہ پر رکوا لیا گیا۔گاڑی میں موجود چار ملزمان جن میں ایک مرد ڈرائیور اور تین خواتین شامل تھیں انہیں موقع سے گرفتار کر لیا گیا۔ابتدائی کارروائی مکمل کرنے کے بعد مزید قانونی کارروائی کے لیے ملزمان بمع گاڑی اٹک پولیس کے حوالے کر دی گئی۔
گاڑی کے مالک نے موٹروے پولیس کی اس برق رفتار کاروائی کو سراہتے ہوئے موٹروے پولیس کا شکریہ ادا کیا۔
