واہ کینٹ، 23جولائی(اے پی پی): ٹیکسلا پولیس نے اہم کارروائی کرتے ہوئے چوری کی وارداتوں میں ملوث گینگ کے سرغنہ کوساتھی سمیت گرفتارکرلیا ہے۔
گرفتار ملزمان میں گینگ کا سرغنہ عابد اور واجد شامل ہیں،ملزمان سے چوری شدہ 07 موٹر سائیکل، 06 موبائل فون، مسروقہ رقم 19500 روپے اور اسلحہ برآمد ہوا، ملزمان سے شناخت پریڈ کے بعد مال مسروقہ بھی برآمد کیا گیا۔
اس حوالے سے ایس پی پوٹھوہار محمد وقاص خان کا کہناتھاکہ شہریوں کی جان ومال کی حفاظت اولین ترجیح ہے، منظم اور متحرک گینگز کے خلاف کارروائیوں میں تیزی لائی جارہی ہے۔
