لاہور 28 جولائی ( اے پی پی ): کمشنر لاہور محمد علی رندھاوا کا پانڈو سٹریٹ 9محرمجلوس روٹ کا دورہ۔اسلام پورہ پہنچ گئے ڈی سی لاہور رافعہ حیدر۔ایڈیشنل کمشنر عبدالسلام عارف و دیگر افسران بھی ہمراہ تھے۔کمشنر لاہور نے تمام محکموں کے افسران کے ہمراہ انتظامات کو چیک کیا اور کہا کہ پانڈو سٹریٹ محرم جلوس روٹ مکمل طور پر کلئر ہے،منتظمین نے اظہار اطمینان کیا ہے۔تمام میونسپل محکمے،ٹریفک پولیس اور ضلعی پولیس اپنے فرائض کی انجام دہی میں مصروف عمل ہیں۔انہوں نے کہا کہ تمام محکموں کے فوکل پرسنز جلوس روٹ پر موجود ہیں اور منتظمین سے رابطے میں ہیں۔کمشنر لاہور نے سکیورٹی پوائنٹ آف ویو سے چارسطحی سکیورٹی کو بھی چیک کیا اور پانڈو سٹریٹ جلوس کے روٹ کے داخلی و اختتامی کا دورہ کیا۔
