اوکاڑہ،13اگست(اے پی پی): ڈپٹی کمشنر ذیشان حنیف نے اچانک سٹی ڈسٹرکٹ ہیڈ کوارٹر ہسپتال کا دورہ کیا۔ہسپتال کے ڈاکٹرز اور پیرا میڈیکل سٹاف کی حاضری چیک کی۔
ڈپٹی کمشنر نے ہسپتال میں مریضوں کی تیمارداری کرتے ہوئے ڈاکٹروں کے رویہ اور ادویات کے متعلقہ سوالات کیے۔انہوں نے ہسپتال کے بعض وارڈوں میں اے سی نہ چلنے پر برہمی کا اظہار کیا اور ہسپتال اور ایمرجنسی کی صفائی کی صورتحال کو بہتر بنانے کے لیے ایم ایس سجاد گیلانی کو ہدایات دیں۔
ڈپٹی کمشنر ذیشان حنیف نے کہا کہ کوتاہی اور غفلت کو کسی صورت برداشت نہیں کیا جائے گا۔
