اسلام آباد، 22 اگست (اے پی پی):’ایک دن پاک بحریہ کے ساتھ’ کے زیر عنوان مختلف تعلیمی اداروں کے طلباء وطالبات کے لیے تقریب کا انعقاد پاکستانی نیوی وار کالج لاہور میں کیا گیا۔
ترجمان پاک بحریہ کے مطابق کمانڈر سینٹرل پنجاب رئیر ایڈمرل جاوید اقبال نے تقریب کے شرکاء سے خطاب کیا ۔ تقریب میں مختلف تعلیمی اداروں کے 250 طلباء وطالبات کو پاک بحریہ کے آپریشنز، تنظیمی ڈھانچے اور دفاعی صلاحیتوں پر بریفننگ دی گئی ۔
تقریب میں اسپیشل سروس گروپ پاکستان نیوی کی جانب سے اینٹی ٹیررازم ڈیمو کا مظاہرہ بھی پیش کیا گیا ۔
ترجمان کے مطابق شرکاء کی جانب سے پاک بحریہ کی دفاعی صلاحیتوں اور تقریب کے انعقاد کو بھی سراہا گیا ۔
