کوئٹہ،30 اگست (اے پی پی):بلوچستان کی نگران کابینہ میں توسیع کر دی گئی،گورنر ہاؤس کوئٹہ میں مزید 6 وزراء نے حلف اٹھا لیا۔بدھ کو گورنرہاؤس کوئٹہ میں نگراں وزرا کی حلف برداری کی تقریب کا انعقاد ہوا، گورنربلوچستان عبدالولی کاکڑ نے نئے وزرا ءسے حلف لیا ۔
تقریب میں وزیراعلی بلوچستان علی مردان ڈومکی، نگران وزراء چیف سیکرٹری، آئی جی پولیس، سیاسی و سماجی شخصیات، صحافیوں، وکلاء اور تاجروں نے بڑی تعداد میں شرکت کی۔ حلف لینے والوں میں امیر محمد جوگیزئی، جمال خان ریئسانی، سردار اعجاز جعفر، امان اللہ کنرانی، شیخ محمودالحسن مندوخیل اور آصف الرحمان دومڑ شامل ہیں۔
