کوئٹہ، 21 اگست(اے پی پی): نگران وزیراعلئ میر علی مردان خان ڈومکی سے جے یو آئی کے صوبائی امیر سابق وفاقی وزیر مولانا عبدالواسع کی قیادت میں پارٹی کے وفد نے وزیر اعلی سیکرٹریٹ میں ملاقات کی۔ ملاقات میں سابق اپوزیشن لیڈر ملک سکندر خان ایڈوکیٹ سابق اراکین اسمبلی اور پارٹی کے دیگر عہدیدار بھی موجود تھے۔ جمعیت علماء اسلام کے وفد نے میر علی مردان خان ڈومکی کو نگران وزیراعلیٰ کا عہدہ سنبھالنے پر مبارکباد پیش کی اور کامبیابی کے لیۓ نیک خواہشات کا ااظہار کیا۔ اس موقع پر نگراں وزیر اعلی بلوچستان میر علی مردان خان ڈومکی نے کہا کہ اللہ تعالئ نے ایک بڑی زمہ داری سونپی ہےخلوص نیت سے صاف و شفاف انتخابات کے انعقاد کی زمہ داری سے عہدہ برآ ہونا چاہتا ہوں۔ انہوں نے کہا کہ عوام اور ساتھیوں سے تعاون اور دعاؤں کی درخواست ہے۔
