لاہور،18اگست (اے پی پی (:پنجاب حکومت کے نمائندوں اور پاکستان کرکٹ بورڈ کے مابین نیشنل کرکٹ اکیڈمی لاہور میں ملاقات ہوئی ۔ پاکستان کرکٹ بورڈ کی جانب سے مینجمنٹ کمیٹی کے چیئرمین ذکاءاشرف اور سینئر حکام جبکہ پنجاب حکومت کی جانب سے چیف سیکرٹری اور پنجاب کے وزراءشریک ہوئے۔
ملاقات ایک بہترین ماحول میں ہوئی جس کے نتیجے میں تمام گزشتہ مسائل خوش اسلوبی سے حل ہو گئے علاوہ ازیں فریقین کے درمیان اس بات پر اتفاق ہوا کہ مستقبل میں ایک نیا میکانزم بنایا جائے گا تاکہ آئندہ معاملات خوش اسلوبی سے چلائے جا سکیں۔
ملاقات کے دوران دونوں پارٹیوں نے ملتان اور لاہور میں ہونے والے اے سی سی ایشیا کپ کے میچوں کے دوران کرکٹ کے شائقین کو بہترین سہولیات فراہم کرنے کا یقین دلایا۔ تمام فریقین نے اس عزم کا اظہار کیا کہ شائقین کو سکیورٹی کے بہترین انتظامات مہیا کیے جائیں گے تاکہ وہ کھیل سے لطف اندوز ہو سکیں۔
