لاہور،14اگست ( اے پی پی ) نگران وزیر اعلی پنجاب محسن نقوی نے گوجرانوالہ، شیخوپورہ دورویہ سڑک کی تعمیرکے منصوبے کا افتتاح کر دیا -اس سڑک کے افتتاح سے گوجرانوالہ، شیخوپورہ کے درمیان سفرکا دورانیہ صرف 26 منٹ تک رہ گیا ہے۔
وزیر اعلی محسن نقوی نے سید وارث شاہ ٹول پلازہ پر سڑک کا معائنہ کیا اور اعلی معیار کو سراہا۔وزیر اعلی محسن نقوی نے کہا کہ گوجرانوالہ، شیخوپورہ دورویہ سڑک سے دونوں شہروں کے لوگوں کو آمدورفت میں آسانی ہوگی۔ وقت کے ساتھ ایندھن کی مد میں خاطر خواہ بچت ہو گی۔
سیکرٹری تعمیرات ومواصلات نے پراجیکٹ کے بارے میں بریفنگ دیتے ہوئے بتایا کہ پبلک پرائیویٹ پارٹنر شپ موڈ کے تحت منصوبہ مکمل ہوا ہے۔
اس موقع پر صوبائی وزراء منصور قادر، بلال افضل، عامر میر، مشیر وہاب ریاض، چیف سیکرٹری، انسپکٹر جنرل پولیس، کمشنر گوجرانوالہ،آر پی او، سی پی او گوجرانوالہ اور دیگر حکام بھی موجود تھے۔
