نوشہرہ ورکاں 04 ستمبر( اے پی پی):تھانہ تتلے عالی موضع دیپے پور میں رات مخالفین کی فائرنگ سے باپ جان بحق بیٹا شدید زخمی بتایا گیا ہے کہ مقتول فقیر حسین اپنے بیٹےزاہد کے ہمراہ تھانہ تتلے عالی میں زمین کے تنازعہ پر مخالفین کے خلاف مقدمہ درج کرا کر واپس گاؤں آ رہا تھا کہ ملزمان عاطف،غلام میراں وغیرہ نے آتشیں اسلحہ سے باپ بیٹے ہر فائرنگ کر دی معروف زمیندار فقیر حسین موقع پر جاں بحق اور بیٹا زاھد شدید زخمی ہو گیا۔تتلے عالی پولیس نے جائے وقوعہ پر پہنچ کر شواھد اکٹھے کر لئے اور مقتول کی ڈیڈ باڈی پوسٹ مارٹم کے لئے تحصیل ھیڈ کوارٹر اسپتال نوشہرہ ورکاں منتقل کر دی گئی ہے اور زخمی بیٹے کو ابتدائی طبی امداد فراہم کی جارہی ھے۔ علاقہ تھانہ تتلے عالی میں ایک ہفتہ کے دوران منشیات فروش عورت اور چھ دیگر افراد نزاکت۔صداقت ۔ریاض ۔یامین ۔صدیق ۔اور فقیر حسین۔ دشمنیوں کے تناظر میں ہلاک ہو چکے ہیں۔
اور ڈی ایس پی نوشہرہ ورکاں محمد نواز گھمن ایس ایچ او تھانہ تتلےعالی محمد ریاض گوندل بھاری نفری کے ہمراہ جائے وقوعہ پر پہنچ گئے اور ورثاء کو یقین دہائی کرائی ہے کہ ملزمان کو جلد گرفتار کر کے قانون کے مطابق سخت کارروائی جائے گی جبکہ ایس پی صدر گوجرانوالہ اور صدر تحصیل بار نوشہرہ ورکاں شبیر حسین بھٹی واقعہ کے بعد رات گئے تحصیل ہیڈ کواٹر ہسپتال نوشہرہ ورکاں پہنچے اور ورثاء کو ملنے کے علاوہ ملزمان کی گرفتاری کے لیے ایس ایچ او محمد ریاض گوندل کو ضروری ھدایات دیں ۔